Thursday, September 27, 2012

මල්වඩම



මලවුන්ම
මලවුන් අදහන
මල
රටක

වසර දහස් ගනනකට
මත්තෙන්
මියැදුනු
මිනිහෙක්ගේ
දිරාගිය ඇටකටු
වන්දනා කරන්නට
පෝලීමේ යන
නඩ

ධාතු ලග
මලමිනී ලග
ජීවත්වන්නවුන්
තැබිය යුතු 
මල්වඩමක්
රහසේම-අදුරේම
උන්
තබාගොස් තිබුනා
හුස්ම ගන්නා
මිනිහෙක්ගෙ
ගේ දොරකඩක් ලග

ඇන්තුරියම්-ඕකිඩ්
මලින් සරසා
පොරො පහරින්
ජීවය සිද
යතු ගෑ
ලී පටිවලින් සිටුවා
සුදුපැහැ කඩදහියක
ලියා තිබුනා
නිහඩ වෙන ලෙස-වීදි නොබසින ලෙස
සටන් නොකරන ලෙස-හුස්ම නොගන්නා ලෙස

පන්ති සටන්
වීදි අරගල
මැද
උස් පහත් වු කට හඩට
ජීවන වියදමෙන්
බදු බරෙන්
තදින් උනුහුම් වු
ප්‍රාන වායුවේ
සැරෙන්
බියවී උන්
ආන්ඩු පෙරලෙයි-ආන්ඩු පෙරලයි

ජීවත්වන්නකුට
පෙම්බැදි
මලගිය එකෙක්
හීන් සීරුවට
තැබු
මල්වඩමක්
කසයට-තුවක්කුවට-උන්ඩයට-මාන්චුවට
ප ර පී ඩ ක
උෟර්ජයට පෙර
තබාගිය 
පෙර මග සලකුනක්

Sunday, September 16, 2012

උඔ




               පි                               පි
              රි                                රි
              මි                               මි                         
              ම                               ම
              ට                               ට                            
              ආ                              ආ
              ග                               ග
              න්                              න්
              තු                              තු
              ක                              ක                   
              ගැ                             පි
              හැ                             රි
              නු                             මි                                
                             උඔ  
            
                     මි              නු
                     රි               හැ
                     පි              ගැ
                     ක             ක
                     තු             තු
                     න්            න්
                     ග             ග
                     ආ            ආ
                     ට             ට
                     ම             ම
                     නු            නු
                     හැ            හැ
                     ගැ            ගැ    




Wednesday, September 12, 2012

Saturday, September 1, 2012

කිලි ගැහැනු සහ දෙවියෝ


කපු මහත්තයෝ
දෙවියෝ
දේවාලේ ඇතුලේ
ගැත්තෝ
දේවාලේ දොරකඩ

මාස් ශුද්ධිය වු වුන්
වදාපු උන්
ධාතු පහවන පිරිමි වුන්
කිලි වැදි
කිල්ලට බියෙන්
නොවඩීද 
දෙවියන්
ශුද්ධ වු දෙවියන්

ටෙරාසෝ පොලොවට
ඉහලින්
රතු රෙද්ද පිටිපස්සේ
වැඩ ඉන්න දෙවියන්
වැඩිහිටියන්ට පමණ ද
ඇසැබි ද උන්දා
කඩු- ත්‍රීශුල- වේලායුධ
මීනි ඔලු අත් වලින් ගෙන
පිච්චෙන
කට්ට කුමන්ජල්
සුවද දුන් අස්සේ
ශාන්තය-බියකරුය-කාමුකය
දෙවියන්

දරු පල ඉල්ලා
අල්ලපු ගෙදරට හෙන ඉල්ලා
‍දඩුවම් ඉල්ලා
කිලි ගැහැනු 
දෙවියන් ලගට ඇවිල්ලා
කිලි වැදි
කිල්ලට බියෙන්
නොවඩීද 
දෙවියන්
ශුද්ධ වු දෙවියන්

ලද පස් මල් ඉස
රවුමට ඇතිරූ
බුලත් කොල විසිඑක
පන් වට්ටියේ
අඩුක්කල
පලතුරු ගෙඩි පුජාව
රතු රෙද්දෙන් වසා
සුවද -දෙයියන්ට
ගෙඩි -කපුවන්ට

ගොම අලිච්ච ඉස
කොහොඔ කොල
එල්ලා
උලච්චි කල
කහ සුදු හදුන්
දියරෙන්
කිලි සිරුරු සෝදා
පේ වන්න
දෙවියන්ට

ස්ත්‍රී යෝනියෙන්
ලේ ශ්ලේෂමල සෙම
මතින්
ලිස්සා
වෑදමහින් එල්ලි
හුස්ම ගත්
කිලි එවුන් 

කිලි වැදි
කිල්ලට බියෙන්
නොවඩීද 
දෙවියන්
ශුද්ධ වු දෙවියන්
යෝනියෙන් නූපන්
වෑදමහෙන් නොඑල්ලුනු
ඕපපාතික දෙවියන්